مي علي تكتب: الsoul mate.. اللي عايز يفهم.. يفهم

هي حاجه كده لو سألت الناس عليها يمكن كتير مش حيعرف يرد
لان مش كل الأشخاص عاشتها او قابله الشخص ده.

في الغالب اللي بيقابل الsoul mate ما بيكنش بيدور انه حايقابله... و ممكن تلاقي اصلا عنده حياته وناسه وشغله وخروجاته... و يمكن يكون بيخرج علشان يتبسط مش في دماغه ان رايح المكان علشان يلاقي حد.

انك تقابل الsoul mate... دي بتبقى لحظه. عارف انت سلك الكهربا لما يلمس و يعمل شراره... هي بتبقى كده و ممكن تسأل نفسك هو اي اللي حصل ده.

لحد ما بتفضلوا تتكلموا و تحس بالراحه... راحه الروح
اللي هو. انت مرتاح.... انت منعكش النهارده بقى.. انت أرفان.... انت معاك فلوس.. مش معاك..... انت طبيعي
مع الشخص..... بتلاقي نفسك بتحكي تفاصيل اليوم عادي.. بتحكي كل حاجه من غير كسوف... انتو انتيم.

انت مطمن..... مش قلقان.... عارف ان ممكن يكون في مليون حد و شخص.. بس متأكد انه ما فيش حد حيعرف ياخذ الحته دي في قلب الsoul mate.

ما تسألونيش ازاي.... ممكن و هما بعيد عن بعض يحسوا ببعض... انا مرة حد قالي.... اي ده قلبي اتقبض لما اروح اطمن.. متخيل..... ممكن تلاقي نايم و يصحى و كانك انت اللي صحيته.

طبعا كل الناس بتعدي بخناقات و زعل
ده حتى الرسول كان بيتخانق مع السيده عائشه و كان بيدخل ابو بكر.

مابالك بقى بالناس العادية.. الناس العاديه ممكن تخسر بعض.. بس soul mate ما عتقدش...
في حاجه بترجعهم.. في حاجه بتقولهم لا ما ينفعش.
احنا عدينا بحاجات كتير... احنا ما ينفعش نخسرها
حتى لو الخناقه كبيره

كل الناس ممكن تبقى عايشه و بتخرج و كل حاجه مع ناس
بس مش كل الناس عندها
Soul mate.

لو لقيت الsoulmate.....حافظوا على بعض لأنها في الغالب بتكون مره واحدة.